Unha femia de tiburón logra reproducirse ela soa

Un exemplar femia de tiburón cebra (Segostoma fasciatum) chamada Leonie, que habita no acuario de Townsville desde 1999, tivo descendencia sen a súa parella. Grazas a iso, os expertos poderán profundar na partenoxénesis ou reprodución asexual, a capacidade dun corpo de transformar unha célula reprodutora nun novo membro da especie.

O tiburón foi separado da súa parella por falta de espazo. Logo de máis de 12 cativas, a parella foi separada e Leonie quedouse nun novo tanque con dúas das súas fillas. En 2014 o exemplar poñía ovos, algo que non chamou a atención aos expertos. Estes sorprendéronse, con todo, cando en 2015 tres ovos eclosionaron.

Os tiburóns femias ás veces poden almacenar esperma durante longos períodos de tempo despois do apareamento, pero a análise xenética destas cativas, segundo publica Scientific Reports, demostrou que eran idénticos a Leonie, sen aporte xenético do seu compañeiro.

A partenoxénesis é común entre as plantas e moitos invertebrados, pero nunca se observou en mamíferos. Porén, os expertos afirman que isto podería ocorrer máis a miúdo do que pensamos, xa que é difícil de detectar na natureza.